Bituon kong pumalangit sining kagab-ihan
Ikaw ang bumihag sining akon dughan
Ginatamdan ko, kaanyag sang imo larawan
Sa imong ginikanan, di mahambal ang kalipayan
Bangud sa kaputli mo kag kasidlak
Ang akon dughan dayon mo napabuslak
Ang imo yuhum, wala gid sang katulad
Batyagan mo man ayhan ining gugma nga tampad?
Ining akon tingog, ari ginapabati
Ining akon balatyagon, daw init, nagatagi-ti
Akon palangga, kuntani ikaw magkari
Ako magahulat lang sa idalom sang lubi
Ikaw ang kalipay nga indi gid mabayran
Bisan ano pa kasanag sang ila pangalan
Paghigugma ko sa imo wala sing katapusan
Kag ikaw lang, pinalangga, ang akon pakaslan.
Thank you to the one who edit this. If you want to suggest title, you are free to comment:)
Subscribe to:
Post Comments (Atom)
No comments:
Post a Comment